ŞƏKİ: ƏN QƏDIM ZAMANLARDAN GÜNÜMÜZƏDƏK KİTABI HAQQINDA

Kitabda Azərbaycanın şimal-qərbində qədim dövlətçilik qalası olan Şəkinin və onun ətrafındakı Vətən torpaqlarının ən qədim zamanlardan günümüzədək davam edən tarixindən bəhs olunur. Əsərdə Şəki və ətrafındakı ərazilərin ən qədim türk torpaqları olduğu, Azərbaycan Albaniya dövlətinin varisi olan Şəki əmirliyinin xarici təcavüzlərə və yadelli əsarətinə qarşı mübarizəsi, Şəki xanlığı və Hacı Çələbi xanın Azərbaycan torpaqlarını birləşdirmək uğrunda mübarizəsi, xanlığın Rusiya imperiyası tərəfindən işğalı və bölgədə çarizmin müstəmləkə zülmünə qarşı səngimək bilməyən azadlıq mübarizəsi, sovet hakimiyyətinə qarşı 1920-1930-cu illərdə baş vermiş müqavimət hərəkatı, Şəki (Nuxa) və Göynük üsyanları, habelə digər mühüm məsələlər təkzibedilməz ilk mənbələr əsasında işıqlandırılır. Kitabda bölgənin mədəni və sosial-iqtisadi həyatı, əhalisi, inzibati idarəçilik tarixi, müstəqillik illərində həyata keçirilən böyük quruculuq işləri geniş əks olunmuşdur. "Şəki: ən qədim zamanlardan günümüzədək" kitabı yazılarkən ölkəmizdəki arxivlərlə yanaşı ilk dəfə olaraq Rusiya, Türkiyə və Gürcüstan arxivlərinin materialları geniş şəkildə tədqiqata cəlb olunmuşdur.