HEYDƏR ƏLIYEV. AZƏRBAYCAN ELMININ KEŞIYINDƏ. C 1. KİTABI HAQQINDA

Azərbaycan Milli Elmlər Akademiyası Tarix İnstitutunun nəşri olan «Heydər Əliyev. Azərbaycan elminin keşiyində» sənədlər və materiallar toplusu Heydər Əliyev irsinin arxiv materialları əsasında tərtib olunmuş ilk akademik nəşridir. Topluya Heydər Əliyevin Azərbaycana rəhbərlik etdiyi 1969-1982-ci illərdə respublikada elmin maddi-texniki bazasının və kadr potensialının inkişaf etdirilməsi, strukturu və təkmilləşdirilməsi, elmi tədqiqat işlərinin genişləndirilməsi və keyfiyyətcə yaxşılaşdırılması, elmi tədqiqat mövzularının dəqiqləşdirilməsi və təkmilləşdiril məsi ilə bağlı qəbul edilmiş qərarlar, sərəncamlar və proqramlar daxil edilmişdir. Topluda, həmçinin, Heydər Əliyevin həmin dövrdə Azərbaycanda elmin vəziyyəti və perspektivləri, elmi nəticələrin istehsalata tətbiqi və başqa məsələlər barədə müxtəlif toplantılarda, forumlarda etdiyi çıxışlara da geniş yer verilmişdir. Sənəd və materiallar toplusu elm tarixini araşdıran tədqiqatçılar, həmçinin geniş oxucu kütləsi üçün nəzərdə tutulmuşdur.