MÜSƏLMAN DIPLOMATIKASINDA SƏFƏVILƏR VƏ BÖYÜK MOĞOLLAR KİTABI HAQQINDA

Monoqrafiyada XVI-XVII əsrlərdə Səfəvilər dövləti ilə Böyük Moğol imperiyası arasında qarşılıqlı münasibətlərin bəzi problemləri işıqlandırlır. Təqdim edilən mövzu üçün müəlliflər tərəfindən Azərbaycan Milli Elmlər Akademiyasının Əlyazmalar İnstitutundan əldə edilmiş "Münşəat-i Səlatin (Sultanlar  arasında yazışmalar)" adı altında məktublar toplusundakı materiallar tədqiq olunub və ilk dəfə olaraq elmi dövriyyəyə gətirilib. Tədqiq olunan materiallar salnamələrdə, hökmdarların tərcümeyi-hallarında, bölgə tarixləri və digər traktatlarda olmayan dəyərli məlumatları əldə etməyə imkanı verir. Təqdim edilən əsər Azərbaycan, İran, Hindistan və Əfqanıstanın orta əsrlər tarixi ilə maraqlanan hər kəs, o cümlədən də beynəlxalq münasibətlər, şərqşünaslıq və tarix fakültələrinin müəllimləri, aspirantları və tələbələri üçün nəzərdə tutulmuşdur.