1989-cu il, avqust ayının 27-də Bakı şəhərində anadan olub.

2006-ci ildə Səbail rayonunun 50 saylı orta məktəbini bitirib. 2006-2010-cu illərdə BDU-nun Tarix fakültəsində ali təhsil almış, tarixçi və tarix müəllimliyi ixtisasına yiyələnmişdir. BDU-nu fərqlənmə diplomu ilə bitirdiyinə görə Universitetin rektoru tərəfindən valideyninə məktub ünvanlanmışdır.  

2010-ci ildə  BDU-nun Tarix fakültəsində tarixşünaslıq və mənbəşünaslıq ixtisası üzrə magistratura pilləsinə qəbul olunub. 2010-2011-ci illərdə Sərhəd Qoşunlarında həqiqi hərbi xidmətini başa vurduqdan sonra ali təhsilini davam etdirib. 2013-cü ildə magistratura təhsilini başa vuraraq Azərbaycan tarixinin mənbəşünaslıq və tarixşünaslığı ixtisasına yiyələnmişdir. BDU-da magistratura pilləsini də fərqlənmə diplomu ilə bitirdiyinə görə Universitetin rektoru tərəfindən valideyninə məktub ünvanlanmışdır. 

2013-cü ildə “Vətən tarixi” ixtisası üzrə AMEA A.A.Bakıxanov adına Tarix İnstitutunun “Azərbaycanın tarixi demoqrafiyası” şöbəsinin əyani doktoranturasına qəbul olub. 2017-ci ildə “Səfəvilər dövlətinin əhalisi (tarixi-demoqrafik tədqiqat)” mövzusunda doktorluq dissertasiyasını baş vurub. “5503.02 – Vətən tarixi” ixtisasında tarix üzrə fəlsəfə doktoru elmi dərəcəsi almaq üçün təqdim etdiyi “Səfəvilər dövlətinin əhalisi (tarixi-demoqrafik tədqiqat)” mövzusunda dissertasiya işini 21 yanvar 2022-ci il tarixində AAK-ın AMEA A.A.Bakıxanov adına Tarix İnstitutu nəzdində fəaliyyət göstərən ED 1.30 saylı Dissertasiya şurasında müdafiə edib. 12 may 2022-ci il tarixində AAK Ekspert Şurasından “5503.02 – Vətən tarixi” ixtisasında t.ü.f.d. elmi dərəcəsi almaq üçün  müsbət rəy alıb. 10 iyun 2022-ci il tarixində isə fəlsəfə doktoru elmi dərəcəsini almışdır.   

Ailəlidir. Bir övladı var.

Elmi fəaliyyəti

2013-cü ildə Bakı Asiya Universitetində “Beynəlxalq Münasibətlər tarixi”, “Böyük Britaniyanın xarici siyasəti” fənləri üzrə Saat hesabı müəllim işləyib.

2014-2016-cı illərdə BDU-da “Mənbəşünaslıq”, “Toponimika”, “Tarixşünaslıq” , “Tənqidi Təfəkkür”, “ABŞ tarixinin mənbəşünaslığı” fənləri üzrə saat hesabı müəllim işləyib.

2016-cı ildə “Azərbaycan Tarixi Elektron Kitabxanası” (lib.az) saytını yaratmış və hal-hazırda bu saytı Günay Nəciyeva ilə birlikdə 3 dildə (Azərbaycan, rus və ingilis) idarə edir.

2017-ci ildə AMEA Tarix İnstitutu, Azərbaycan Diaspor şöbəsinin elmi işçisi, 2019-cu il mart ayının 19-dan 2021-ci il fevralın ayının 12-dək İctimaiyyətlə əlaqələr şöbəsində İnstitutun rəsmi veb saytına və rəsmi yutub kanalına məsul şəxs - baş mütəxxəsis təyin olunub.  

2017-ci ilin fevralında 2021-ci ilin fevralına qədər AMEA Tarix İnstitutunun rəsmi youtube kanalını yaradaraq indiyə qədər orada 500-dən çox video yerləşdirib.

2018-ci ildə AMEA Tarix İnstitutunun rəsmi veb-saytını – tarixinstitutu.az (istoriya.az, tarikh.az, azerbaycanhistory.az) yenidən hazırlamışdır. 2021-ci ilin fevralın 12-dək bu saytın 3 dildə (Azərbaycan, rus və ingilis) idarə edib.

Azərbaycan Vikipediyasında könüllü fəaliyyət göstərərək tarixi məqalələrin yaradılması və redaktəsi ilə məşğul olur. O, Dünya Azərbaycanlıları Konqresinin və Azərbaycan Coğrafiya Cəmiyyətinin üzvüdür. 2018-ci ildən - 2021-ci il fevralın ayının 12-dək AMEA A.A.Bakıxanov adına Tarix İnstitutunun Gənc Alimlər və Mütəxəssislər Şurasının sədrinin müavini olub.

2019-cu ilin mart ayından başlanan (AMEA Tarix İnstitutunun ASAN Radio ilə birgə “Azərbaycan tarixi” adlı layihəsi çərçivəsində 74 video hazırlayaraq yutub kanalında yerləşdirib.

2020-ci ilin fevral ayından Akademik Tarih ve Düşünce Dergisinin indeks direktorudur və e-library.ru – Rusiya Elmi İstinadlar İndeksi (RSCI) məlumat bazasına inteqrasiya edilən Rusiya Elektron Elmi Kitabxanasında bu jurnalın məqalələrinin yerləşdirilməsini həyata keçirir. O, həmçinin 2021-ci ilin yanvarından "Azərbaycan dili və ədəbiyyat tədrisi" elmi-metodik jurnalında dərc edilən məqalələrin Rəqəmsal Obyekt İdentifikatoru (DOI) ilə təmin edilməsini həyata keçirir.   

2021-ci il 12 martda Azərbaycan Milli Kitabxanasında müvəqqəti böyük kitabxanaçı vəzifəsinə təyin edilib. 12 Sentyabrdan isə böyük kitabxanaçı vəzifəsində işləyir, eyni zamanda Milli Kitabxana nəşrlərinin redaktorlarından biridir.

Müəllifi olduğu əsərlər

1. Ağır sınaqlarda sınmayan böyük alim: Yaqub Mahmudov. Bakı: Zərdabi-Nəşr MMC, 2022, 164 s.  (Nazim Xəlilovla həmmüəllif)
2. Azərbaycan Tarixi Xəritələrdə. ATLAS. Bakı: "Azərbaycan Tarixçiləri" İctimai Birliyi, 2022, 252 s.  (Redaksiya heyətinin üzvü)
3. Qarabağın Alban-Qıpçaq tarixinə dair. Bakı: Turxan NPB, 2021, 72 s. (Ramin Əlizadə ilə həmmüəllif)
4. Yorulmaz maarifçi – İslahatçı alim: Yaqub Mahmudov (“Azərbaycan müəllimi” qəzetinin materialları əsasında. 1989-1992-ci illər). Bakı: “Turxan” NPB, 2021, - 45 səh. (Günay Nəciyeva ilə həmmüəllif)

Redaktoru olduğu əsərlər

1. Azərbaycan Milli Kitabxanasında koronavirus (COVİD-19) pandemiyası şəraitində elektron informasiya xidmətinin təşkili/ Ədibə İsmayılova; elmi red. K.Tahirov; red. E.Nəciyev. – Bakı, 2021. – 232 s.
2. Xan Şuşinski (İsfəndiyar Aslan oğlu Cavanşirov): biblioqrafiya/ Tərt. ed. H.Manafova; elmi red. K.Tahirov; red. E.Nəciyev. – Bakı, 2021.– 188 s.
3. Seyran Səxavət (Seyran Əsgər oğlu Xanlarov): Biblioqrafiya/ Tərt. ed. X.Abbasova, G.Misirova; elmi red. K.Tahirov;red.E.Nəciyev. ‒ Bakı, 2021. ‒ 176 s.
4. Şuşa – Azərbaycanın mədəniyyət paytaxtı: biblioqrafiya/ Tərt. ed. X.Abbasova; elmi red. K.M.Tahirov; red. E.R.Nəciyev. ‒ Bakı, 2021. ‒ 600 s.
5. Sabir Rüstəmxanlı (Sabir Xudu oğlu Rüstəmxanlı): Biblioqrafiya/ Tərt. ed. X.Abbasova, Z.Əhmədova; elmi red. K.Tahirov; ön söz.müəl. İ.Həbibbəyli; red. E.Nəciyev. – Bakı, 2022.– 544 s.
6. Əlamətdar və tarixi günlər təqvimi – 2022 / Baş red. K.Tahirov; red. E.Nəciyev; məsul katib C.Həşim.– Bakı, 2022.– 888 s.
7. Lütfi Zadə – 100: [Ələsgərzadə Lütfəli Rəhim oğlu]:biblioqrafiya / Tərt. ed. L.Şirinova; elmi red. K.Tahirov; “Ön söz”-ün müəl. M.Mərdanov; red. E.Nəciyev. – Bakı, 2022. – 608 s.

Məqalələri

1. Bakının azadlığı nə üçün lazım idi? Güney Azadlıq Səsi veb saytında. 16.09.2009
2. Mahaçqala konfransında "erməni kabusu" Və elm xadimlərimizin Dağıstana növbəti "yürüşü" // Türküstan qəzeti, №38 (164), 1-7 noyabr, 2009, s. 12 
3. Dərbənddə müsəlman oğurlanır... Sonra terrorçu kimi cəsədi tapılır // Türküstan qəzeti, 27 sentyabr - 3 oktyabr, 2009, №34 (160), s. 6 
4. Dərbəndin qorxulu avqust yuxusu // Türküstan qəzeti, 6-12 sentyabr, 2009, №32 (158), s. 13
5. Dərbənddə rus şovinistləri ilə üz-üzə. Dərbənddə keçirilən elmi konfransda nələr yaşandı? // Türküstan qəzeti, 5-11 iyul, 2009, №23 (149), s. 10
6. Unudulmuş Dərbənd // Türküstan qəzeti, 14-20 iyun, 2009, №21 (147), s. 12 
7. "Tarixi Bab əl-Əbvab" əsərinin V.F.Minorski tərəfindən tədqiqi // Görkəmli Azərbaycan tarixçisi və şərqşünas alim Akademik Ziya Bünyadovun anadan olmasının 90 illiyi münasibətilə magistrantların və gənc tədqiqatçıların elmi-praktik konfransının materialları. Bakı: Bakı Universiteti nəşriyyatı, 2012, s. 181-185 
8. Çaldıran döyüşü Səfəvi-Osmanlı mənbələrində. Bakıda Azərbaycan-Türkiyə Evinin (ATEV) təşkilatçılığı ilə "Şah Xətai-Sultan Səlim" beynəlxalq simpoziumu. 5-6 aprel, 2013-cü il. 
9. Dərbənd IX-XII əsr ərəb coğrafiyaşünaslarının əsərlərində // Ümummilli lider Heydər Əliyevin anadan olmasının 90-cı ildönümü münasibətilə Tarix fakültəsi magistrantlarının və gənc tədqiqatçılarının elmi-praktiki konfransının materialları. Bakı: Baş Hesablama Mərkəzi nəşriyyatı, 2013, səh. 189-192
10. 1514-cü il Təbriz sürgünləri. Tarix və onun problemləri. Nəzəri, elmi, metodik jurnal. General Səməd bəy Mehmandarovun 160 illik yubileyinə həsr olunmuş xüsusi buraxılış. Bakı, 2015, c.4, s. 82-89
11. Населения Дербента при государстве Сефевидов// Материалы Международной научной конференции.  «Дербент в историческом процессе Кавказа и России», посвященной 2000-летию г. Дербента. Махачкала, 2015 , c. 294-301
12. Səfəvilər dövlətinin inzibati-ərazi bölgüsü//“Kitabi-Dədə Qorqud” və türk dünyası. “Kitabi-Dədə Qorqud”un tərcüməsi və nəşrinin 200 illiyinə həsr olunmuş beynəlxalq elmi konfransın materialları, Bakı, 29 dekabr, 2015, s. 774-782
13. Səfəvilərin sufi dərgahı – Ərdəbil //İslam maarifçiliyi və müasir dövr: beynəlxalq elmi konfransın materialları: 16-17 aprel 2015-ci il /AMEA, Qafqaz Müsəlmanları İdarəsi; elmi red. İ.Həbibbəyli.- Bakı: [s. n.],[2016].- S.493-498.
14. Safeviler döneminde Nahçıvan’ın şehir hayatı//Nahçıvan ve Doğu Anadolu abideleri uluslararası sempozyumu (Dünü, bugünü ve yarını), 11-12 mayıs, 2015, Nahçıvan, 2016, s. 334-341
15. Səfəvilər dövlətində əhalinin miqrasiyası//Pedaqoji Universitetin xəbərləri. Humanitar, ictimai və pedaqoji-psixoloji elmlər seriyası, Bakı, 2016, c.64, №2, s. 177-190
16. Səfəvilər dövlətində əhalinin dini tərkibi//Bakı Universitetinin xəbərləri. Humanitar elmləri seriyası, 2016, №3, s. 139-147
17. Səfəvilər dövlətində əhalinin demoqrafik tərkibi //Материалы V Международной научно-практической интернет – конференции «Евразийское пространство в мировой цивилизации» посвященная 25-летию Независимости Казахстана. Астана, 2016, c. 13-18
18. Демографические проблемы в Сефевидском государстве вызванные болезнями//"Гілея: науковий вісник": Збірник наукових праць, 2016, Випуск 110 (№7), c. 145-149
19. Səfəvilər dövlətinin Xəzəryanı şəhərlərinin əhalisi//Pedaqoji Universitetin xəbərləri. Humanitar, ictimai və pedaqoji-psixoloji elmlər seriyası, Bakı, 2017, c.65, №3, s. 100-112
20. Denikinçilərin və erməni daşnaklarının Lənkəran qəzasında törətdiyi soyqırım// AMEA Tarix İnstitutu “Elmi Əsərlər” “XX əsrdə türk-müsəlman əhaliyə qarşı soyqırımları” mövzusunda IV Beynəlxalq elmi konfransın materialları. Xüsusi Buraxılış. №,64,65,66. Bakı, 2017, s.317-322
21. 555 illik bir məzarın tarixçəsi // Azərbaycan tarixi şəcərə cəmiyyətinin xəbərləri, X buraxılış, Bakı, 2018, s. 236-246
22. Milli elmin inkişafında Azərbaycan diasporunun rolu//Azərbaycan diasporu: transmilli əlaqələr. Bakı: Avropa, 2018, s. 131-152
23. Rusiyanın Avropa ölkələri və Türkiyə ərazisində “Cənub Qaz Dəhlizi”nə qarşı fəaliyyəti, bu istiqamətdə potensial təsir imkanları və istifadə etdiyi vasitələr. Beynəlxalq Münasibətlər və Beynəlxalq İqtisadiyyat sahələri üzrə UNEC Tədqiqat fondunun təşkilatçılığı ilə keçirilən “Helios” müsabiqəsinə 2 dildə (Azərbaycan və ingiliscə) təqdim olunub. 2018-ci il.
24. Azərbaycan Xalq Cümhuriyyətinin tarix elminin inkişafında yeri və rolu//Müsəlman Şərqində ilk parlamentli respublika. Azərbaycan Xalq Cümhuriyyətinin 100 illik yubileyinə həsr olunmuş beynəlxalq elmi konfransın materialları. 21-23 may, Bakı, 2018, s. 728-732  
25. Səfəvilər dövlətində əhalinin miqrasiyası tarixindən // “Elm tarixi və elmşünaslıq: fənlərarası tədqiqatlar”mövzusunda I beynəlxalq elmi konfrans. 29-30 Oktyabr, 2018, s.370-378
26. Anadolu'dan Safevi Devleti'ne göçler. XVIII. Türk Tarih Kongresi. Bildiri Özetleri. 1-5 Ekim, Ankara, 2018, s. 442-443 
27. Mustafa Kamal paşanın general Harbordla görüşündə Azərbaycan məsələsi //Gənc tarixçi tədqiqatçıların “Elm günü”nə həsr olunmuş respublika konfransının materialları. Bakı: Turxan NPB, 2019, s. 53-54  
28. Şeyx Cüneyd türbəsinin tarixi. Doğumunun 800-cü ilində Şeyx Zahid Gilani Beynəlxalq Simpoziumu. 12-15 dekabr, 2018, (materialları çapa hazırlanır)(Günay Məmmədova ilə həmmüəllif)
29. Students learning Wikipedia editing by attending Wikicamp at Nabran. Coauthor with Gunay Mammadova.
30. XVI-XVII əsrlərdə Təbrizdə baş verən zəlzələlərin əhali sayına təsiri // Türkiye: Akademik Tarih ve Düşünce Dergisi, c. 7. – 2020, sayı 1. s. 496-512.
31. Qarabağın Alban-Qıpçaq tarixinə dair // Akademik Tarih ve Düşünce Dergisi, 2020, Cilt 7, Sayı 4, s. 2578-2593 (Ramin Əlizadə ilə həmmüəllif)
32.  Hindistanlı alimin “Azərbaycan və Ermənistan arasında münaqişəyə yenidən baxış” adlı məqaləsində Dağlıq Qarabağ münaqişəsinin analizinə dair // // Akademik Tarih ve Düşünce Dergisi, 2021, Cilt 8, Sayı 1, s. 412-425 (t.ü.f.d., dos. İradə Məmmədova ilə həmmüəllif)
33. Qarabağ uğrunda zəfər savaşı. // Qarabağ Azərbaycandır! Zəfər epopeyası. Bakı, 2021, s.269-284 (t.e.d., professor Anar İsgəndərovla həmmüəllif)
34. Böyük tarixçi // Olaylar qəzeti, 4-10 fevral, 2022, Nömrə 33 (4889), s.19 (Elmin Məlikov və Nazim Xəlilovla həmmüəllif)
35. ‘’Azərbaycanın Şuşa şəhəri tarixi xəritələrdə (1802-1901-ci illər)’’, Akademik Tarihve Düşünce Dergisi, C. 9, S. 1, 2022, ss.290-303 (Günay Nəciyeva ilə həmmüəllif)
36. Anadolu’dan Safevi Devleti’ne Göçler: Sebepleri ve Sonuçları // XVIII. Türk Tarih Kongresi. Kongreye Sunulan Bildiriler (V. Cilt). Göç ve İskân – İktisat Tarihi – Vakıflar Tarihi. Ankara: Türk Tarih Kurumu, 2002, s.55-66 
37. Şuşa tarixinə dair dəyərli mənbə.   Karabakh. III. International Congress of Modern Studies in Social Sciences and Humanities. June 7-10, 2022. Karabagh/Azerbaijan. 2022   c.3, səh. 1-6    (Günay Nəciyeva ilə həmmüəllif)

Əldə etdiyi nailiyyətlər

1. 28.09.2019 - İİR-in Azərbaycandakı Səfirliyinin Mədəniyyət Mərkəzinin təşkil etdiyi Fars dili kursunu ali səviyyədə (fevral, 2019) ali səviyyədə yaxşı qiymətlə bitirdiyi üçün sertifikatla təltif olunub.
2. 19-21.06.2019 - AMEA Tarix İnstitutu, Türkiyə Cümhuriyyəti Dünya Avşarlar Dərnəyinin Azərbaycan bölməsinin təşkil etdiyi “Nadir şah Əfşar: Tarixin gedişini dəyişdirən dahi sərkərdə”yə həsr olunmuş beynəlxalq elmi konfransda AMEA MEK-in əməkdaşı Günay Məmmədova ilə birlikdə “Nadir şahın köçürmə siyasəti” mövzusunda məruzə ilə çıxış etdiyinə görə sertifikatla təltif olunmuşdur.
3. AMEA İEB və AMEA GAMŞ-ın 2019-cu il 9-13 iyul tarixlərində təşkil etdiyi “Gənc arxeoloqların yay məktəbi -2019” adlı layihədə fəal iştirak etdiyinə görə diplomla təltif olunub. Layihədə “Qəbələ tarixi arxeoloji tədqiqatlar əsasında” mövzusunda məruzə ilə də çıxış etmişdir.
4. 13-14.07.2019 - “Azərbaycan Vikimedia Könüllüləri” ictimai birliyi tərəfindən Sumqayıt Texnologiyalar Parkının dəstəyi ilə Şamaxı şəhərində təşkil edilən Vikipediyaçıların yay düşərgəsində iştirak etdiyinə görə sertifikatla təltif olunub. Bu yay düşərgəsində AMEA MEK-in əməkdaşı Günay Məmmədova ilə birlikdə “Vikipediyanı necə təqdim və təbliğ etməli” mövzusunda məruzə ilə çıxış etmişdir. (Təəssüratlarla bağlı tərəfimizdən video hazırlanıb. Bax: Azerbaijani Wikipedians summer camp in Shamakhi)
5. 10-13.08.2019 - ProDemos İctimai Birliyi tərəfindən Azərbaycan Respublikası Prezidenti yanında QHT-yə Dövlət Dəstəyi Şurasının dəstəyi ilə Nabranda təşkil edilən "WikiCamp 2019" gənclərin Vikipediya bacarıqlarının inkişaf etdirilməsi təlimlərində iştirakına görə sertifikatla təltif olunub. (Təəssüratlarla bağlı video hazırlanıb. Bax: Wikicamp in Nabran - Part 1)  
6. 12-15.12.2018 - Lənkəran Dövlət Universitetində keçirilən “Doğumunun 800-cü ilində Şeyx Zahid Gilani” mövzusunda beynəlxalq simpoziumda iştirak etdiyinə görə sertifikatla təltif olunub. 
7. 2018 - Beynəlxalq Münasibətlər və Beynəlxalq İqtisadiyyat sahələri üzrə UNEC Tədqiqat fondunun təşkilatçılığı ilə keçirilən “Helios” müsabiqəsinin qalibi olub. Azərbaycan və ingilis dillərində yazdığı “Rusiyanın Avropa ölkələri və Türkiyə ərazisində “Cənub Qaz Dəhlizi”nə qarşı fəaliyyəti, bu istiqamətdə potensial təsir imkanları və istifadə etdiyi vasitələr” məqaləsinə görə sertifikatla təltif olunub və pulla mükafatlandırılıb. 
8. 30.11-01.12.2018 - Azərbaycan Tarix Qurumu İB ilə Tarix İnstitutunun birgə təşkil etdiyi AXC-nin 100 illiyi və Azərbaycan Tarix Qurumu İB-nin yaranmasının 25 illiyinə həsr olunmuş “Şərqdə ilk demokratik respublika və onun Azərbaycan tarixində yeri” mövzusunda beynəlxalq elmi konfransda iştirak etdiyinə görə sertifikatla təltif olunub.
9. 2018 - Lənkəranda keçirilən “Doğumunun 800-cü ilində Şeyx Zahid Gilani Beynəlxalq Simpoziumu”nda məruzə ilə çıxış edərək sertifikatla təltif olunub.
10. 01-05.10.2018 - Türk Tarix Qurumunun Ankarada tarixlərində keçirilən XVIII. Türk Tarih Kongresində məruzə ilə çıxış edərək sertifikatla təltif olunub.
11. 2018 - Qusarda keçirilmiş “XX əsrdə Türk-müsəlman xalqlarına qarşı soyqırımları”na həsr olunmuş V Beynəlxalq elmi konfransda iştirakına görə sertifikatla təltif olunub.
12. 04.09.2017 - 21.12.2017 - XİN-də təşkil edilən 94 saatlıq ispan dili və Kolumbiya mədəniyyətinin təbliği kurslarını A1 səviyyə üzrə uğurla başa vurduğuna görə sertifikatla təltif edilib.   
13. 2017- Lənkəranda keçirilmiş “XX əsrdə Türk-müsəlman xalqlarına qarşı soyqırımları”na həsr olunmuş IV Beynəlxalq elmi konfransda məruzə ilə iştirakına görə sertifikatla təltif olunub.
14. 2017- Clarivate Analytics proqramı ilə bağlı keçirilən təlimdə iştirakına görə sertifikatla təltif olunub.
15. 2017 - Gənc mütəxəssis olaraq Tarix İnstitutunun elmi və ictimai həyatında fəal iştirakına görə AMEA Tarix İnstitutunun Fəxri fərmanı ilə təltif olunub.
16. 2017 - AMEA İnformasiya Texnologiyaları İnstitutu tərəfindən təşkil edilən  “AzScienceNet”: mövcud vəziyyət, imkanları və inkişaf perspektivləri” mövzusu üzrə respublika elmi praktiki seminarında iştirak etdiyinə görə sertifikatla təltif olunub.
17. 2017-ci ildən AMEA A.A.Bakıxanov adına Tarix İnstitutunun rəsmi veb saytını hazırlamağa başlayıb və tarixinstitutu.az (istoriya.az, azerbaycantarixi.az, azerbaijanhistory.az, tarikh.az) saytı rəsmən 2018-ci ilin noyabrından 2021-ci ilin fevralın 12-dək onun idarəçiliyi ilə 3 dildə fəaliyyət göstərib.
18. 2017- Azərbaycanca Vikipediyada redaktə və istifadə qaydaları ilə bağlı Mərkəzi Elmi Kitabxanada keçirilən təlimdə iştirak edib uğurla fəaliyyət göstərdiyinə görə sertifikatla təltif olunub.
19. 2017- Vikipediyada keçirilən “Asiya ayı” mövzulu ayında fəal iştirak edib qalib olduğuna görə Vikipediya rəhbərliyi tərəfindən “Asiya səfiri” sertifikatı ilə təltif olunub.
20. 31.08.2017 - İİR-in Azərbaycandakı Səfirliyinin Mədəniyyət Mərkəzinin təşkil etdiyi bir illik (2016-cı ildə) Fars dili kursunda iştirak etdiyinə və bu kursu orta səviyyədə əla qiymətlə bitirdiyinə görə sertifikatla təltif olunub.
21. 2017 - "Azərbaycan vikimediaçıları" istifadəçi qrupunun təşəbbüsü ilə həyata keçirilmiş "Mövzulu ay" layihəsində iştirak edib II-III yerləri tutduğuna görə mükafatlandırılıb. Ətraflı bax: İstifadəçi:Elnur_Neciyev
22. MEK-in “Vikipediya” Metodik Mərkəzi tərəfindən təşkil edilən təlimlərin könüllüsü kimi Vikipediyanın "Mövzulu ay" layihəsindəki uğurlarına görə "Təşəkkürnamə” və hədiyyələrlə təltif olunub.
23. 10.05.2016 - öz saytını – lib.az (Azərbaycan Tarixi Elektron Kitabxanasını) yaradıb və 8 sentyabr tarixində istifadəyə verib.
24. 2016 - “Avrasiya məkanı dünya sivilizasiyasında” V beynəlxalq elmi-praktiki internet konfransında iştirak edib məruzə ilə çıxış etdiyinə görə sertifikatla təltif edilib.
25. 14-20.08.2016 - İİR-da, Təbriz Universitetində fars dilinin tarixi, dil meyarı, Sədişünaslıq, fars dilinin yazı və qrammatikası və b. fənlər üzrə keçirilən 15 saatlıq ixtisasartırma kurslarında iştirak etdiyinə görə diplomla təltif edilib. 
26. 11.01.2016 - İİR-nın Azərbaycandakı Səfirliyinin Mədəniyyət Mərkəzinin təşkil etdiyi bir illik (2015-2016-cı illərdə) Fars dili kursunda iştirak etdiyinə və bu kursu ibtidai səviyyədə əla qiymətlə bitirdiyinə görə sertifikatla təltif olunub.
27. 2013 - “İFSC Climbing World Cup Baku 2013” yarışında hakimlik etdiyinə görə İFSC-nin Juri prezidenti Markus Fillafer tərəfindən sertifikatla, GİZ Azərbaycan Biomüxtəliflik Proqramı və Azərbaycan Respublikası ETSN-nin birgə təşkil etdiyi Bələdçilik üzrə təlim kursunu müvəffəqiyyətlə bitirdiyinə görə diplomla təltif olunub.