1268
01/10/2019 Vikimediya hərəkatında ölkəmizdə ilkə imza atıldı. Qeyd edək ki, Vikimediya fondunun 15 layihəsindən biri Vikipediyadır. Vikimediya fondundan lib.az-a verilən məlumata görə, fondun 2012-ci ildən fəaliyyət göstərən təhsil bölməsində Azərbaycanda təşkil olunan vikidüşərgələrlə bağlı ilk xəbər yayımlanıb.
Qeyd edək ki, 10-13 avqust tarixlərində gənclərin Vikipediya bacarıqlarının inkişaf etdirilməsi layihəsi çərçivəsində Nabran vikidüşərgəsi təşkil edilib. Bu düşərgə ilə bağlı gənc vikipediyaçılar - Elnur Nəciyev və Günay Nəciyeva tərəfindən video hazırlanmışdı. Bu videodan sonra gənc fəallar fonddan gələn təkliflə Vikimediyanın ingilisdilli təhsil bölməsi üçün xəbər hazırlayıblar və xəbər fondun təhsil bölməsində yayımlanıb. Bu xəbər sevindirici olduğu qədər də qayğılandırıcıdır. Ən azından ona görə ki, Vikimediyanın "Outreach" xidmətindəki təhsil bölməsi 2012-ci ildən fəaliyyət göstərir və bu Azərbaycanda təşkil olunan vikidüşərgələrlə bağlı ilk xəbərdir.
Müqayisə üçün qeyd edək ki, hər il müxtəlif ölkələrdən bu bölmədə Vikimediya hərəkatının inkişafına dəstək məqsədi ilə reallaşdırılan layihələrə dair xəbərlər yayımlanır. Bu xidmət vasitəsi ilə dünyanın müxtəlif ölkələrində keçirilən Vikimediya hərəkatı üzrə maarifləndirici tədbirlər, o cümlədən də vikidüşərgələr təbliğ olunur. Bu vaxta qədər Azərbaycanda sayılı qədər də olsa, vikidüşərgələr təşkil olunub. Lakin bu düşərgələrin nəticələrinin təbliği o qədər də qaneedici səviyyədə olmayıb. Ümid edək ki, bundan sonra bu sahədə ölkəmizdə mövcud boşluq aradan qaldırılacaq və bu cür tədbirlər ölkəmizdə təşkil ediləndə təbliği də diqqətdə saxlanılacaq.
Xəbərlə aşağıdakı linkdə tanış ola bilərsiniz:
Məqalənin müəllifləri: Elnur Nəciyev və Günay Nəciyeva (Məmmədova)
Nabranda keçirilən Vikidüşərgə ilə bağlı videoyla da tanış ola bilərsiniz: