“3 FEVRAL” TARIXIMIZDƏ
Ana səhifə > Xəbərlər > “3 Fevral” tariximizdə
1107    
03/02/2017

1891-ci ildə - Görkəmli publisist, ictimai xadim, yazıçı, tərcüməçi, böyük bəstəkar Üzeyir Hacıbəyovun qardaşı Ceyhun Hacıbəyli (1891-1962) Şuşada anadan olub.

1926-cı ildə - Q.Musabəyov (sədr), H.Sultanov D.Bünyadzadə və başqalarından ibarət respublikanın sənayeləşdirilməsi komissiyası yaradıldı. 

1927-ci ildə - Moskvada Türkdilli xalqların mədəniyyət və incəsənətinin öyrənilməsi ilə əlaqədar Ümumittifaq müşavirəsi keçirilmişdi.  

1949-cu ildə - Azərbaycan Respublikasının Əməkdar rəssamı, heykəltəraş, pedaqoq, səhnə tərtibatçısı Hüseynqulu Əli oğlu Əliyev Ordubad rayonunun Bist kəndində anadan olmuşdur.

1949-cu ildə - Azərbaycanın Milli Qəhrəmanı Şahin Talıb oğlu Tağıyev (1949-1992) Tərtər rayonunda anadan olmuşdur.

1958-ci ildə - Azərbaycan Respublikasının keçmiş Əmək və Əhalinin Sosial Müdafiəsi naziri Füzuli Həsən oğlu Ələkbərov Naxçıvan MR-in Culfa rayonunun Saltaq kəndində anadan olub.

1969-cu ildə -  Azərbaycanın milli qəhrəmanı Bəylər Tapdıq oğlu Ağayev (1969-1992) Qubadlı rayonunun Qaraağac kəndində doğulmuşdur.

1993-cü ildə - Azərbaycanla Gürcüstan arasında strateji tərəfdaşlıq yönündə ilk sənəd - "Dostluq, əməkdaşlıq və qarşılıqlı təhlükəsizlik haqqında" müqavilə imzalanıb. 

1994-cı ildə - Azərbaycanın xalq artisti, lirik tenor, pianoçu, pedaqoq Rauf İsrafil oğlu Atakişiyev (1925-1994) vəfat etmişdir.

1995-ci ildə - Avropa Şurası Parlament Assambleyasının Bürosu Azərbaycanın “xüsusi dəvət edilmiş qonaq” statusu almaq barədə müraciətinin nəzərdən keçirilməsi təşəbbüsü ilə çıxış edib. 1996-cı il martın 17-18-də Azərbaycan Avropa Şurasının Qanun vasitəsilə Demokratiya üzrə Avropa Komissiyasına üzv qəbul edilib.

2004-cü ildə - Prezident İlham Əliyevin iştirakı ilə "Gülüstan" sarayında Bakı-Tbilisi-Ceyhan layihəsinin maliyyələşdirilməsi üzrə son sənədlərin təntənəli imzalanma mərasimi keçirilib. Azərbaycan, Gürcüstan və Türkiyə hökumətlərinin, BTC-nin kreditorlar qrupunun nümayəndələri tərəfindən imzalanan maliyyələşmə paketi 78 müxtəlif tərəfin 17 mindən artıq imzası olan 208 maliyyə sənədindən ibarət idi. 

2014-cü ildə - Bakıda Azərbaycan mədəniyyətinin ən görkəmli nümayəndələrindən biri, bəstəkar və pedaqoq, SSRİ Xalq Artisti, Sosialist Əməyi Qəhrəmanı Qara Qarayevin abidəsi açılıb. Mərasimdə Prezident İlham Əliyev və xanımı Mehriban Əliyeva iştirak ediblər.