1418    

19/12/2017

Xəzər rayonu Binə sovxozda Qarabağ şəhidlərimizin xatirəsinə memorial abidə qoyulub. Ağdam uğrunda gedən döyüşlərdə şəhid olan 1 atanın 3 övladı Aslanov Hasil (1966-23.07.1993) Kazım oğlu, Aslanov Vidadi Kazım oğlu (1950-23.07.1993), Aslanov Xəqani Kazım oğlunun (1955-15.07.1992) xatirəsi əbədiləşdirilib. Abidəni şəhid övladı Cəsarət Aslanov atası və əmilərinə ithaf edib.

Onlar 4 qardaş vuruşublar, üçü ŞƏHİD olub, biri də QAZİdir. Hasil və Vidadi Aslanov 23.07.1993-cü ildə ikisi də bir gündə - Ağdamın Şelli kəndi işğal olan günü ŞƏHİD oldular. Xaqani isə Xocalıda gedən döyüşlərdə şəhid olub. 4-cü qardaş Aslanov Sabiq Kazım oğlu Ağdam döyüşlərində yaralanıb, QAZİdir və hazırda Rusiyada yaşayır.

ŞƏHİD ÖVLADI CƏSARƏT XAQANİ OĞLU ASLANOVUN ATASI HAQQINDA DEDİKLƏRİNDƏN: "Atam Xocalıdan 160 nəfərin salamat çıxardılmasına yardım edib və 2-ci dəfə ora qayıdıb düşmənlə döyüşüb - qəhrəmancasına şəhid olmuşdur". 

Allahdan şəhidlərimizə rəhmət, doğmalarına səbr diləyirik.