1350
18/12/2017 1725-ci ildə -Ərdəbil şəhərinin Osmanlı qoşunları tərəfindən işğalı İstanbulda atəşfəşanlıqla qeyd edildi.
1917-ci ildə - Bolşevik Rusiyasının rəhbəri, RSFSR Xalq Komissarları Sovetinin sədri Vladimir Lenin Bakı bolşeviklərinin rəhbəri Stepan Şaumyanı Qafqaz işləri üzrə fövqəladə komissar təyin edib. Qərara əsasən, Şaumyana Cənubi Qafqazda sovetləşmə siyasətini həyata keçirmək, həmçinin Rusiya ordusunun cənub (Osmanlı) cəbhəsindəki qüvvələrinə faktiki rəhbərlik hüququ verilmişdi. Bu təyinat Şaumyan və onun daşnak-bolşevik əlaltılarına Bakıda və bütövlükdə Cənubi Qafqazda türk-müsəlman əhaliyə qarşı kütləvi qırğınlar həyata keçirmək üçün müstəsna imkanlar verirdi və ermənilərin 1918-ci ilin martında həyata keçirdiyi soyqırımı bunu bariz şəkildə göstərdi.
1924-cü ildə - Azərbaycan Respublikası Prezidenti yanında Xüsusi İdarənin rəisi olmuş polkovnik Şəmsi Nuru oğlu Rəhimov (1924-1994) Qafan rayonunun Gövdəkli kəndində, müəllim ailəsində anadan olmuşdur.
1928-ci ildə - Tanınmış xanəndə və pedaqoq, bəstəkar Qulu Rüstəm oğlu Əsgərov (1928-1987) Salyan şəhərində anadan olmuşdur.
1934-cü ildə - Şair, dramaturq, publisist, Azərbaycan Yazıçılar Birliyinin üzvü, Azərbaycan gənclərinin III Ümumrespublika festivalının laureatı, Rəsul Rza mükafatı laureatı Teyyub Yarməmməd oğlu Qurban Bakı yaxınlığındakı Bülbülə qəsəbəsində zəhmətkeş ailəsində anadan olmuşdur.
1997-ci ildə - Prezident Heydər Əliyev "1948-1953-cü illərdə azərbaycanlıların Ermənistan SSR ərazisindəki tarixi-etnik torpaqlarından kütləvi surətdə deportasiyası haqqında" fərman imzalayıb. Fərmanda 100 minə yaxın azərbaycanlının ata-baba yurdlarından deportasiyasına dair SSRİ Nazirlər Sovetinin 1947-ci il 23 dekabr və 1948-ci il 10 mart tarixli qərarlarına siyasi qiymət verilir, bu deportasiya aktlarının XIX əsrin əvvəlindən başlayaraq azərbaycanlılara qarşı həyata keçirilmiş təqib, terror və soyqırımı siyasətinin tərkib hissəsi olduğu vurğulanırdı.
2008-ci ildə - Bakıda Dünya Azərbaycanlılarını Əlaqələndirmə Şurasının Dünya azərbaycanlılarının həmrəyliyi günü münasibətilə "Azərbaycan - Şərqin dünyaya açılan qapısı" mövzusunda iclası keçirilib. İclasın yekununda "Dünya Azərbaycanlılarının həmrəylik xartiyası"nın layihəsi əsas kimi qəbul olunub.