999    

27/02/2017

1901-ci ildə - Nasir, Azərbaycan Yazıçılar Birliyinin üzvü, xalq yazıçısı, M.F.Axundov adına Dövlət mükafatı laureatı Əli Qara oğlu Vəliyev (1901-1983) Zəngəzur qəzasının Sisyan rayonunun Ağudi kəndində anadan olmuşdur. 

1919-cu ildə - Cəbrayıl qəzasının Ağcakənd, Dolanlar və Mülkədarlı kəndlərində yaşayan ermənilər bir də təkrar Sirik kəndinə hücum edərək, bu kəndin bir hissəsini yandırdılar. 

1955-ci ildə - Tarix üzrə fəlsəfə doktoru, AMEA ‎A.A.Bakıxanov adına Tarix İnstitutunun aparıcı elmi işçisi‎ Vaqif Şirin oğlu Abışov İmişli ‎şəhərində anadan olmuşdur. 

1984-cü ildə - Azərbaycan teatr və kino aktyoru, Səməd Vurğun adına Rus Dram Teatrının rejissoru Eldar Həsən oğlu Əliyev (1936-1984) vəfat edib. 

1988-ci ildə - Sumqayıtda erməni ekstremistlərin təşkilatçılığı və bir qrup kriminal elementin iştirakı ilə kütləvi təxribat - erməni əhalinin evlərinə basqınlar törədilib. Eduard Qriqoryanın başçılıq etdiyi basqın və iğtişaşlarda, rəsmi məlumatlara görə, 32 nəfər öldürülmüşdü. Onların bir neçəsini Qriqoryan özü qətlə yetirmişdi. Lakin məhkəmə ona 12 il iş verdi və o, SSRİ dağılandan sonra azadlığa çıxdı. Dəstənin azərbaycanlı üzvlərindən bir nəfərə (Əhməd Əhmədov) ölüm hökmü kəsildi. Moskvadan gələn istintaq qrupu hadisənin mahiyyətini ört-basdır etdi. "Sumqayıt hadisəsi" SSRİ xüsusi xidmət orqanlarındakı ermənilər tərəfindən hazırlanmışdı və dünyaya azərbaycanlıların vandalizmi kimi tanıdıldı. Bu təxribatdan sonra ermənilər azərbaycanlılarla bir yerdə yaşamağın qeyri-mümkün olduğunu bəyan etməyə və Qarabağdakı separatçılığa haqq qazandırmağa başladılar.

1998-ci ildə - Azərbaycanla İslandiya (ölkəmizin müstəqilliyini 1992-ci il yanvarın 19-da tanıyıb) arasında diplomatik münasibətlər qurulub.

2003-cü ildə - Vaşinqtonda ABŞ prezidenti Corc Buş və Azərbaycan prezidenti Heydər Əliyevin görüşündə iki ölkə arasında enerji və təhlükəsizlik sahəsində əməkdaşlıq məsələləri, Qarabağ münaqişəsinin nizamlanması müzakirə edilib. 

2008-ci ildə - Bakıda M.V.Lomonosov adına  Moskva Dövlət Universitetinin filialı açılıb. 

2013-cü ildə - Tarix elmləri doktoru, professor, AMEA-nın müxbir üzvü, Azərbaycan Səfəvişünaslıq məktəbinin banisi Oqtay Əbdülkərim oğlu Əfəndiyev (1926-2013) vəfat etdi.