“9 YANVAR” TARIXIMIZDƏ
Ana səhifə > Xəbərlər > “9 Yanvar” tariximizdə
1201    
09/01/2017

1903-cü ildə - Azərbaycan teatrının tanınmış simalarından olan Ülvü Rəcəb (1903-1938) anadan olmuşdur. Stalin repressiyalarının qurbanı olub.

1959-cu ildə - Azərbaycanın Milli qəhrəmanı Mətləb Quliyev Beyləqanda anadan olub.   

1990-cı ildə - Ermənistan SSR Ali Soveti Dağlıq Qarabağın Azərbaycandan qoparılmasını hədəfləyən daha bir sənəd- "DQMV-nin sosial-iqtisadi inkişaf planının Ermənistan SSR-in dövlət planına daxil edilməsi haqqında" qərar qəbul edib. 

1991-ci ildə - Erməni terroru Azərbaycan ərazisində növbəti aksiya həyata keçirib. Laçın-Yevlax yolunda Sovet Ordusuna məxsus "UAZ-469" markalı hərbi maşının gülləbaran edilməsi nəticəsində 4 nəfər, o cümlədən "Molodyoj Azerbaydjana" qəzetinin xüsusi müxbiri Salatın Əsgərova qətlə yetirilib. 

1994-cü ildə - Azərbaycanla Vatikan dövləti (ölkəmizin müstəqilliyini 1992-ci il mayın 23-də tanıyıb) arasında diplomatik münasibətlər qurulub.

2001-ci ildə - Rusiya prezidenti Vladimir Putin Bakıya rəsmi səfərə gəlib. Bu, Rusiya rəhbərinin Azərbaycana ilk rəsmi səfəri idi. 

2009-cu ildə - Azərbaycanşünas türkoloq alim, professor, neft sahibkarı İskəndər bəy Məlikovun qızı İren Məlikovanın vəfatı günüdür (1919-2009).