GÜRCÜSTANIN AZƏRBAYCANLI JURNALISTLƏRI KİTABI HAQQINDA

“Gürcüstanın azərbaycanlı jurnalistləri” adlı kitab ilk dəfədir ki, Gürcüstanda yaşayıb-yaradan azərbaycanlı jurnalistlərin tərcümeyi-halından bəhs edən bir kitab kimi nəşr olunur. Kitabda Azərbaycandilli jurnalistikamızın Gürcüstan qolunun inkişafında böyük əməyi olan və dünyalarını dəyişmiş jurnalistlərimizin, həmçinin gənc qələm sahiblərinin həyat və fəaliyyəti haqqında ətraflı məlumat verilib. Nəşrdə əsasən Gürcüstanda anadan olub və vaxtilə bu ölkədə nəşr olunan mətbuatda çalışan jurnalistlər haqqında məlumat verilib. Kitaba həmçinin müəlliflərin elmi ədəbiyyatlardan istifadə edərək qələmə aldıqları “Gürcüstanda Azərbaycandilli mətbuatın tarixindən” adlı məqalə də daxil edilib.